1 | |
HStAOrient5a: 74r umūr‑i kes̱īre ile taʿbīr olınur ve cümlesi vāqiʿ olur. // Ḥikāyet: Bir kimesne vāqiʿasında görür ki ẕekerini // ve ḫāyasını qaṭʿ ėderler. Bir niçe muʿabbirlere taʿbīr ėtdürürler. Bir muʿabbir eyidür ki bu kişinüñ // āb‑i rūyı dökilür yaʿnī feżāḥat olınur. // Birisi eyidür ki ferzendi olmaz. Birisi eyidür ki ẕekeri // qaṭʿ olınur. Birisi eyidür ki māli ucından helāk // olur. Birisi eyidür ḫᵛīşān ve qabīle dūr olur. Birisi eyidür nefsü l‑emrde qażīb ü // ḫāyasını qaṭʿ ėderler. Pes ol kimse bir töhmet ile // ḫātūnına ṭalāq vėrdi ve sefere gidüb ḫᵛīş ü // ferzendinden cüdā olur. Ve deryāya girüb bād‑i // saḫt ile sefīnesi şikest olur. Bir nevʿ‑i māhī // vardur ki aña kūsec dėrler ol kişinüñ ẕekerini // ve ḫāyasını qoparur āḫir niçe cemāʿat ile helāk olurlar. // Al‑ʿuhdatu ʿalā r‑rāwī. Müʾellif‑i kitāb bi‑ʿaynihi bu düşi // görüb taʿbīrinde ʿāciz qalub ġam‑nāk oldı. // Āḫir taḥmīnen bir yıldan ṣoñra teʾehhül ėtmek vāqiʿ // oldı bi‑iẕni llāhi taʿālā. Qıṭʿa li‑münşiʾihi: [remel: ‑ v ‑ ‑ / ‑ v ‑ ‑ / ‑ v ‑ ‑ / ‑ v –] // ʿĀlem‑i rüʾyādur ey ġāfil ḥaqīqatde cihān Līk bu rüʾyā // bize bir ʿibret‑i nā‑yābdur Gerçi heb eşyā muʿabberdür lisān‑i ḥāl ile |